ජපාන යුද නැව් දෙකක් කොළඹ වරායට

ජපාන සමුද්‍රීය ස්වයං ආරක්‍ෂක බලකායට අයත් BUNGO සහ ETAJIMA නෞකා නිල සංචාරයක් සඳහා  (2025 අප්‍රේල් 01) උදෑසන කොළඹ වරායට සේන්දු වූ අතර, ශ්‍රී ලංකා නාවික හමුදාව විසින් එම නෞකාවන් නාවික හමුදා සම්ප්‍රදායානුකුලව පිළිගැනීමට කටයුතු කෙරිණි.

මෙලෙස කොළඹ වරායට සේන්දු වූ Uraga-Class Minesweeper Tender වර්ගයට අයත් ‘BUNGO’ නෞකාව, දිගින් මීටර් 141ක් හා නැව් මුළුව 125ක ගෙන් සමන්විත අතර, නෞකාවේ අණදෙන නිලධාරීන් ලෙස, කොමාණ්ඩර් TANAKA Koji කටයුතු කරනු ලබයි.

එමෙන්ම,  කොළඹ වරායට සේන්දු වූ Minesweeper වර්ගයට අයත් ETAJIMA නෞකාව දිගින් මීටර් 67 ක් හා නැව් මුළුව 54ක ගෙන් සමන්විත අතර, නෞකාවේ අණදෙන නිලධාරීන් ලෙස, කොමාණ්ඩර් ODA Takayuki කටයුතු කරනු ලබයි.

තවද, මෙම නෞකාවන් මෙරට රැඳී සිටින කාලසීමාව තුළ එහි නැව්මුළුව කොළඹ ප්‍රදේශයේ ආකර්ෂණීය සංචාරක ස්ථාන නැරඹීම සඳහා සංචාරය කිරීමටද නියමිතව ඇති අතර, නිල සංචාරයෙන් අනතුරුව 2025 අප්‍රේල් මස 04 වැනි දින දිවයිනෙන් පිටත්ව යාමට නියමිතව ඇත.